اساليب البنات على المسنجر:
اولاغاردينا :- وكل كلامها احترم نفسك قلي كيف الحال لاتسألني عن اخباري هذي حياتي الخاصه انت مالك دخل ... يعني بتعطيك محاضره عنوانها ( لاتقل وش اخبارك ) .. همن تصقعك بلوك ( حظر ) ومن زود الرسمية اللي فيها بعض الاحيان لين قلتلها اهلين قالت انا منيب اصغر عيالك قلي هلا وبس اهلين مانعرفها وفيها شبهه ... ( وش الشبهه يرحم امك تبين نقولك اهلين يااختاه ).
*+*+*+*+*+*+*+*+*+*+*+*+*+*+*+*+
ثانيا عين البنفسج :- هذي مهيب تسلم عليك الا فالشهر مره (واجد فالشهر مره ) ... أو بالاصح اذا عندها موضوع كاتبته في المنتدى وتبيك ترد عليه او تصلحلها الجها ز ... بتجيك وتقول فلان حبيبي . . اقولها هلا والله عاش من شافك وين الناااس من زمان عنك .... بتقول والله اختبارات وغثا خلها على ربك ياحياتي !!! ياحياتي وين اصرفها لو قالتها ذيك الرسمية ...(يمدحون بنك المصلحجيه بس ) ... عاد انا متعود على هالحركات اطقها في وجها اقولها ... اها أخلصي وش عندك وش جايه تبين ؟ ..... مايمديني اقول لها هالكلمة الا صاكه اللنك في وجهي ... . واللي احلى من هذا .. تقول تصدق اني كاتبه الموضوع فيك ( ياروحي صرت ريكي مارتن ... مير انا أحلى منه ... تقاطيع وجهي ازين ... قل ايه بس ) ... والزبده كلها رد على موضوعي وبس ........
*+*+*+*+*+*+*+*+*+*+*+*+*+*+*+*+
ثالثا أميرة الغرام :- تجيك وحده فاقده ... حاطه عقلها في شنطة الجامعة وجايتك .... وهذي لو اشرح لك ماوفيك حقها تخلي لك الماسنجر ولا مسرحيه " شاهد ماشفش حاقه " ة
*+*+*+*+*+*+*+*+*+*+*+*+*+*+*+*+
رابعا تانيا :- من زود ركادة العقل فيها لين ضحكت تضحك كذا ههههههههه. تحط نقطه في آخر ضحكتها ( يعني مجرد موقف ضحكت عليه لاتحسب اني مستانسه على سواليفك ) .... ولين قالت شكر ا مهيب مثلنا نقول شكرن لا هي تحط التنوين الطامره فوق الحرف مثل كذا (شكراً)... ة
*+*+*+*+*+*+*+*+*+*+*+*+*+*+*+*+
خامسا الشوق:- هالنوع يابو الشباب.. ماتدخل في الشهر الا مره ... وكل سواليفها وشلون امك عساها طيبه .. وتسولف معك وبرايفتها الثاني مع ستيف وطقته ....
(مدري وش تبي من الدنيا ) ... تستهبل وتلعب بمشاعر واحاسيس الشباب واخر شي انا كنت امزح وربي امزح ( منتب هين تعرف مشاعر ومساحيت مدري احاسيس )
*+*+*+*+*+*+*+*+*+*+*+*+*+*+*+*+
المهم خلصنا من شرح الشخصيات نجي في الاهم ....
( على طاري شخصيات ... ترا البوكيمون حرام انتبهوا لاياكلون منه عيالكم)…
اذا كانت البنت معك وحاطه ( مشغول او بيزي ) .... اعرف انها تكد شعرها ولا انها تهاوشت مع اختها من اللي يلبس البكله الخضرا اليوم ....
واذا البنت حاطه ( سأعود حالاً ) ... اعرف انها قاعده تاكل بس مستحيه تعلم ... ولا اكيد انها راحت ( ؟؟؟؟؟؟ )
(بالخارج او آوت سايد ) ... اكيييد انها تقصقص ضفورها ولا امها وراها تدهن شعرها بزيت زيتون ولا دابر ... وحدتن منهن ماشميت الريحه زين .... ة
(على الهاتف او اون تيليفون ) ... يعني لاتفكر ترقمني تراني اكلم خويي ... ( والله التفسير الاقشر )....
>>>>>>>>>>>>>>>>> شفتو شلون الشباب يتكلمون علينا الله يسامحكم بس وه وه بس حطمتونا خخخخخخ
ابي ردودكم يالغوالي
اوكي انتظركم
